HATTARA DAI DA WATA SABUWAR 419 (DAMFARA) DA MASU HACKING FACEBOOK - ƘWACE FACEBOOK ACCOUNT ƊIN MUTANE KE YI

Assalamu alaikum...

Cikin jimami da hakan ya sha faruwa ga mutane masu ɗinbin yawa, hadda ma manyan mutane, kuma yanzu wannan damfara - 419 tana ƙaruwa musamman ma ta yanar gizo-gizo.

Wannan sabuwar damfara - 419 ɗin itace: ana samun wasu marasa tsoran Allah SWT suna hacking - kwace facebook account ɗin mutane, musamman ma mashahurai ta bangarori da yawa, suna tallata hajar su ga mutane cewa, ga wani sabon hannun jari, kasa ƙudi dubu N30,000.00 zuwa sama, za ka sami ninkin abinda ka sa cikin ƙasa da minti arba'in (40minutes), suna sanya wani WhatsApp link ɗin ne, su ce wanda ya ke son shiga tsarin to ya danna wannan WhatsApp link ɗin...

Babu shakka, a sakamakon suna hacking - Ƙwace facebook account ɗin  sanannun mutane, kuma suyi amfani da shi wajen yaɗa wannan damfarar - 419 yasa da yawan zarmammun mutane ke yarda har su biye musu, su shiga ta wannan Whatsapp Link ɗin da suke ɗorawa domin damfarar mutane su sanya hannun jarin su kamar yadda suke yaudarar su domin samun ninkin abinda mutum ya sanya.

Sukan yi hakanne ta hanyar tambayar mutun, da nawa zai fara? N30K, ka sami N60K, ko kuma N50K = N100K, N150K =N300K zuwa sama, ya danganta da irin zarmewar ka. Suna ƙara bada misali da amfani da wasu facebok accounts ɗin cewa suma sun samu harma su nuna maka transaction receipt ɗin bogi, domin ƙara yaudarar mutune su kuma gaskata tsarin, alhali ƙaryane, damfarane, yaudara ce.

Da yawan mutane sun tura musu kuɗaɗen su da nufin sanya hannun jari amma shiru ka ke ji, ba labari, idan ka tuntube su, ya naji shiru? Sai su ce sun tura ma amma network ya canja tsarin da ka cike na farko, yanzu sai ka ƙara wani kuɗin sannan za ka iya samun ninkin duk kuɗin da ka sanya alhali duk damfarane - 419. Idan kai zarmamme ne sai ka sake tura musu, za su ci gaba da yin hakan ga reka har sai sun tatse ka sai su barka hakanan, ba uwar kuɗi ba riba.

Kaima, nima maiyuwa munsan wanda aka taba hacking- sace/ƙwace facebook account din su, kuma ake damfarar mutane da shi alhali shi wannan mutumin baisan hakan ba harsai ansanar da shi alabashin ya ɗauki matakin dawo da facebook account ɗin sa.

Shawara ga reku mutane, da ku daina sa lambar wayar ku a matsayin password ɗin ku wai domin tafi sauƙin tunawa, ko kuma shekarar haihuwar ku, ta hakanne ake samun damar hacking - ƙwace Facebook, Twitter, Instagram, da dai sauran su, accounts ɗin ku. Sabida haka, ku riƙa following mu ta wannan page👉 Uncle Yunus 

TANBAY: Wai shin me yasa mutane ke faɗawa hannun waɗannan ƴan damfarar - 419?

✍️ Uncle Yunus